01
د غړیتوب دوه لارې
یو جوړښت د قانوني او اداري مسؤلیت لپاره، او بل د شبکوي او پروګرامي ګډون لپاره.
غړیتوب او ګډون
غړیتوب
ایسراند د هغو کسانو لپاره منظم چوکاټ برابروي چې غواړي د ادارې له ماموریت سره په جدي، مسوولانه او دوامدار ډول ونښلي.
د ایسراند غړیتوب داسې طرحه شوی چې هم د ادارې قانوني او اخلاقي سلامتي وساتي او هم د هغو متخصصانو، بنسټونو او افغانانو لپاره منظم ځای جوړ کړي چې غواړي په جدي او دوامدار ډول ونډه واخلي.
عضویت در ایسراند به معنای ثبت نام تشریفاتی نیست. هر نوع عضویت با نقش، مسئولیت و سطح مشخصی از مشارکت همراه است، تا کسانی که وارد این ساختار میشوند بدانند از آنان چه انتظار میرود و در برابر چه چیز پاسخگو اند.
02
روښانه بهیر
له لومړنۍ اړیکې تر ارزونې، شاملېدو او فعال ګډون پورې واضح او منظم پړاوونه.
03
ډیاسپورا شورا
هغه مشورتي جوړښت چې شبکوي غړي د ادارې له پراخې مشورتي فضا سره نښلوي.
04
نړیواله پرانیستنه
غړیتوب یوازې یوې جغرافیې پورې محدود نه دی؛ هر هغه څوک پکې راتلای شي چې له ماموریت سره سمون ولري.
د غړیتوب ډولونه
دوه بېلابېلې، خو تړلې لارې
ایسراند غړیتوب داسې تنظیموي چې هم اداري سلامتيا خوندي پاتې شي او هم پراخ مسلکي ګډون ممکن شي.
ضامن غړي · قانوني غړي
اداري او قانوني مشرتابه
ضامن غړي د ادارې قانوني بنسټ جوړوي. دوی د ادارې د عمومي حاکمیت، اساسنامې، بورډ او رسمي تصمیمونو په برخه کې ټاکلی او مسؤل رول لري.
- په عمومي غونډو کې د قانوني حق له مخې رایه ورکول
- د امناءو بورد د غړو ټاکل او بدلېدل
- د اساسنامې د تعدیل په اړه تصمیم نیول
- کلني راپورونه او تصدیق شوي حسابونه ترلاسه کول
- مالی مسئولیت یوازې د ضمانت تر ټاکلې کچې محدود وي
- د ټولو عمومي غونډو رسمي خبرتیا ترلاسه کول
شبکوي غړي · پروګرامي غړي
مسلکي او ټولنیز ګډون
شبکوي غړیتوب د هغو متخصصانو، څېړونکو، عملي کارکوونکو او افغانانو لپاره دی چې غواړي له ایسراند سره د پوهې، مشورې، پروګرامونو او شبکې له لارې دوامدار تړاو ولري.
- په پروګرامونو، کاري ډلو او مشورتي جوړښتونو کې ګډون
- د ډیاسپورا شورا په ټاکنو کې برخه اخیستل
- د وړاندیزونو او مسلکي نظریو شریکول
- د بورډ یا مشورتي رولونو لپاره د نوماندانو وړاندیز
- سکتوري څانګو ته د تخصصي تجربې رسول
- د پروګرامونو، غونډو او اداري بدلونونو تازه معلومات ترلاسه کول
- د ایسراند د پوهې سرچینو او غونډو ته لاسرسی
د شاملېدو بهیر
غړیتوب څنګه پر مخ ځي؟
غړیتوب تصادفي نه دی؛ هره غوښتنه د روښانه معیار، ارزونې او مناسبې ونډې له مخې سنجول کېږي.
01
لومړنۍ اړیکه
د تماس فورم یا برېښنالیک له لارې خپل شالید، تخصص او د علاقې ساحه له موږ سره شریکه کړئ.
02
کتنه او ارزونه
د غړیتوب اړوند ټیم ګوري چې غوښتنلیک له ماموریت، اړتیاوو او د غوښتل شوې ونډې له ډول سره څومره برابر دی.
03
رسمي شاملېدل
هغه کسان چې مناسب وبلل شي، په رسمي ډول د اړوندو پروګرامونو، څانګو او شبکو سره نښلول کېږي.
04
فعاله ونډه
له دې وروسته غړي د غونډو، کاري ډلو، څېړنیزو پروګرامونو او مشورتي چوکاټونو له لارې عملي رول اخلي.
عامې پوښتنې
هغه څه چې اکثره پوښتل کېږي
دلته هغه مهمې پوښتنې ځوابېږي چې د غړیتوب د ماهیت، جوړښت او عملي ګډون په اړه اکثره راپورته کېږي.
ایا غړیتوب یوازې د افغان ډیاسپورا لپاره دی؟
نه. ایسراند که څه هم د افغان متخصصانو په نوښت رامنځته شوی، خو غړیتوب یې هر هغه فرد او بنسټ ته پرانیستی دی چې د شواهدو پر بنسټ، باوري او دوامدار پرمختګ ته ژمن وي.
ایا غړیتوب فیس لري؟
در حال حاضر برای عضویت شبکهای فیس ثابت در نظر گرفته نشده است. اگر در آینده ساختار مشخصی وضع شود، از مسیر رسمی با اعضا شریک خواهد شد. شرایط اعضای ضامن به صورت جداگانه و موردی تنظیم میشود.
ډیاسپورا شورا څه ده؟
دا د شبکوي غړو له منځه راټوکېدلی مشورتي جوړښت دی چې د پراخې ټولنې غږ، تخصص او وړاندیزونه د ادارې له مشرتابه سره تړي.
ایا بنسټونه هم غړیتوب ترلاسه کولی شي؟
هو. بنسټونه کولای شي له ایسراند سره د منظمې همکارۍ، استازیتوب یا د مناسب غړیتوب له لارې اړیکه ونیسي. د مناسب چوکاټ د ټاکلو لپاره باید له ادارې سره مستقیمه مشوره وشي.
له موږ سره یوځای شئ
که جدي ونډه اخیستل غواړئ، دروازه پرانیستې ده
که تاسې څېړونکی یاست، پالیسي کار یاست، د عملي کار تجربه لرئ، یا د کوم بنسټ استازیتوب کوئ، ایسراند کولی شي ستاسې د ونډې لپاره منظم ځای برابر کړي.