له موږ سره ملګرتیا وکړئ

ایسراند د هغو ملګرتیاوو لپاره جوړ شوی چې تش نمایشي حضور ونه لري، بلکې فکر، طرحه، تطبیق او اداري باور پیاوړی کړي. موږ له هغه ډول همکارۍ سره کار کوو چې هدف یې د افغانستان لپاره عملي او دوامدار ارزښت وي.

برای ما مشارکت فقط امضای تفاهم‌نامه نیست. همکاری زمانی معنی دارد که نقش‌ها روشن باشد، هدف مشخص باشد، و هر طرف بداند که این رابطه در خدمت چه نتیجه‌ای است. ایسراند با همین منطق وارد همکاری می‌شود.

له ماموریت سره سمون

موږ هغه ملګرتیا غواړو چې له ادارې له موخې، ارزښتونو او عامه مسؤلیت سره په ټکر کې نه وي.

روښانه چوکاټ

له پیل څخه باید نقشې، مسؤلیتونه، د کار ساحه او د حساب ورکونې طریقه واضح وي.

پر شواهدو ولاړ

همکاري هغه وخت ګټه لري چې پر واقعیت، څېړنه او سنجول شوې پرېکړه ولاړه وي، نه پر حدس او فشار.

شفافه همکاري

مالي ملاتړ، اداري شراکت او حساس روابط باید مستند، روښانه او د ادارې د حاکمیت له اصولو سره برابر وي.

د همکارۍ بڼې

بنسټونه له ایسراند سره څنګه کار کولی شي

هره همکاري یو شان نه وي. ځینې پر څېړنه راڅرخي، ځینې پر تطبیق، ځینې پر تمویل، او ځینې پر تخصصي ونډه. مهمه دا ده چې هدف او چوکاټ دواړه روښانه وي.

څېړنیزې او مشورتي ملګرتیاوې

له ایسراند سره د پالیسي مطالعاتو، تخنیکي ارزونو، سکتوري نقشه‌کښیو او ستراتیژیکو یادښتونو په برخه کې منظم کار کول.

تطبیقي څېړنه او تحلیلي اسناد
سکتوري او تخنیکي مطالعات
ستراتیژیک چوکاټونه او مشورتي طرحې
د تصمیم نیونې لپاره مستقل فکري ملاتړ

د دولت او عامه بنسټونو همکاري

له وزارتونو، عامه ادارو، اصلاحاتي جوړښتونو او محلي بنسټونو سره کار چې عملي پالیسي، اداري اصلاح او بنسټیز ظرفیت ته اړتیا لري.

پالیسي او عامه ستراتیژي
اداري اصلاح او سیستم جوړونه
ظرفیت لوړونه او تخنیکي مرسته
د ذی‌دخلانو او ادارو ترمنځ همغږي

علمي او پوهنیزې همکارۍ

له پوهنتونونو، څېړنیزو مرکزونو او مسلکي شبکو سره ګډ کار چې د پوهې تولید، شریکولو او عامه استفادې وړ کړي.

ګډې څېړنې او ګډ خپرونې
تخصصي بحثونه او علمي فورمونه
ارزونه، ژباړه او د پوهې شریکول
د ارشیف او معلوماتو همکاري

د تطبیق او پروګرامي ملګرتیاوې

هلته چې ایسراند د پروګرام د طرحې، تطبیق، څارنې او اداري تسلسل برخه وي، تمرکز مو پر هغه جوړښت وي چې پایلې لنډمهالې نه پرېږدي.

د پروګرام ډیزاین او تطبیقي ملاتړ
څارنه، راپور ورکونه او منظم مدیریت
ډیجیټلي او اداري وسایل
د محلي ظرفیت لپاره همکار تخنیکي حضور

زموږ د کار ملاتړ

مالي او اداري ملاتړ څنګه معنا پیدا کوي

ملاتړ هغه وخت ارزښت لري چې د ادارې له موخې، شفاف حاکمیت او عامه مسؤلیت سره سم وي. ایسراند مرسته د نمایشي تمویل په توګه نه، بلکې د باور وړ مسؤلیت په توګه ګوري.

اداري ملاتړه

هغه ملاتړ چې ایسراند ته اجازه ورکوي خپل فکري، اداري او پروګرامي ظرفیت پر پښو ودروي او خوندي یې وساتي.

د ځانګړو پروګرامونو ملاتړ

کولای شئ یوه مشخصه برخه لکه څېړنه، خپرونه، فورم، ظرفیت‌لوړونه یا ځانګړی پروګرام هدفمند ملاتړ کړئ.

ستراتېژیک تمویل

هغه تمویل چې د ادارې له موخې سره سمون ولري او له شفاف حاکمیت، روښانه راپور ورکونې او مستندې همکارۍ سره مل وي.

ملاتړ څنګه اداره کېږي؟

هر ډول ملاتړ مستند کېږي، د ادارې له حاکمیتي معیارونو سره سنجول کېږي، او یوازې د ایسراند د عامه او خیریه موخو په چوکاټ کې لګول کېږي.

تخصص شریک کړئ

افراد او متخصصان څنګه ونډه اخیستلی شي

ملګرتیا یوازې د ادارو موضوع نه ده. ایسراند د هغو جدي اشخاصو او متخصصانو ونډه هم غواړي چې خپل فکر او تجربه په منظم چوکاټ کې شریکول غواړي.

تخصص شریک کړئ

سکتوري متخصصان کولای شي په مطالعاتو، کاري ډلو او ستراتیژیکو مسئلو کې مستقیمه ونډه واخلي.

ځوان ظرفیت وروزئ

له لارښوونې، مشورې او مسلکي ملاتړ څخه د نويو څېړونکو او عملي کارکوونکو لپاره ګټه واخلئ.

مشورتي او ټولنیزو جوړښتونو کې برخه واخلئ

له ډیاسپورا شورا، مشورتي شبکو او تخصصي حلقو سره یوځای شئ او خپل فکر منظم چوکاټ ته داخل کړئ.

ځانګړي کارونه پیاوړي کړئ

که کومه مشخصه پروژه، څېړنه یا سکتوري هڅه ستاسې له تخصص سره برابره وي، مستقیم ملاتړ او همکاري ورسره وکړئ.

موږ له چا سره کار کوو

هغه شریکان چې له ایسراند سره سمون لري

ایسراند د هغو شریکانو لپاره مناسب دی چې ژور فکر، محلي درک او منظم تطبیقي همکاري غواړي، نه یوازې تش سمبولیک حضور.

دولت او عامه بنسټونه

هغه وزارتونه، ادارې او عامه جوړښتونه چې د باوري پالیسي، اداري اصلاح او تطبیقي ظرفیت اړتیا لري.

نړیوال بنسټونه

هغه سازمانونه چې په نازکو او شخړه ځپلو چاپېریالونو کې د کار لپاره سیمه ییز فهم او اداري ژورتیا غواړي.

علمي او څېړنیز بنسټونه

پوهنتونونه، فکري مرکزونه او څېړنیزې ادارې چې د ګډ فکر، ګډ تولید او علمي اړیکې په لټه کې وي.

خصوصي سکتور او تخنیکي شرکتونه

هغه شرکتونه او مشورتي ادارې چې تخنیکي وړتیا یې له ملي اړتیا او عامه ګټې سره یو ځای کېدای شي.

مرستندویه او ملاتړې ادارې

بنسټونه او تمویل کوونکي چې غواړي د پوهې، اداري ودې او عامه ارزښت له جدي کاره ملاتړ وکړي.

ډیاسپورا او مسلکي شبکې

افغان متخصصان او شبکې چې غواړي خپل فکر، تجربه او اعتبار په منظم او مؤثر ډول داخل کړي.

د همکارۍ بهیر

ملګرتیا له کومه پیلېږي؟

پیاوړې همکاري له وضاحت پیلېږي. موږ ملګرتیاوې داسې تنظیموو چې کار، وخت، محصول او مسؤلیت د ټولو لورو لپاره واضح وي.

01

لومړنۍ خبره

موږ له یوې واضح خبرې پیلوو: ستونزه څه ده، هدف څه دی، او ولې دا همکاري باید همدا اوس وشي؟

02

سنجول او برابرول

ګورو چې وړاندیز شوی کار زموږ له ماموریت، ظرفیت، وخت او اداري اصولو سره څومره برابر دی.

03

د همکارۍ جوړښت

که مناسب و، د کار ساحه، مسؤولیتونه، موده، محصول، حاکمیت او هر مالي یا اداري ترتیب په وضاحت تعریفېږي.

04

تطبیق او حساب ورکونه

کار د منظمې همغږۍ، شفافې اړیکې او مستندو پایلو له لارې پر مخ ځي، څو همکاري د باور وړ او د استفادې وړ پاتې شي.

له ایسراند سره ملګرتیا

که جدي همکاري غواړئ، خبرې پیل کړئ

که ستاسې بنسټ، ټیم یا شبکه د څېړنې، ادارې، تطبیق، ظرفیت او عامه فکر په برخه کې د باور وړ شریک غواړي، ایسراند د منظمې خبرې او عملي کار لپاره چمتو دی.

له موږ سره ملګرتیا وکړئ څېړنې او لاسته راوړنې وګورئ